imzza

Відэа зроблена на палескім фэсце "Гостына", які адбыўся 20.05.12. Бралі удзел: жыхары вёсак Радоставо (Іванаўскі р-н), Болота, Андроново (Кобрынскі р-н), Літвынкі (Жабінкаўскі р-н), а таксама сябры гуртоў Рада, Горынь, Гуда (Менск).

nastaukaГэтым разам занятак адбудзецца 12 траўня(субота) а 18.00 у палацы дзяцей і моладзі.
Сустракаемся ў фае а 17.50! Паролі тыя ж))
 Нумар для даведак +375 29 8425789 (Настасся)

nastaukaВось і травень, вось і танцы) Занятак адбудзецца 6 траўня(нядзеля) а 18.00 у палацы дзяцей і моладзі.
Сустракаемся ў фае а 17.50!
 Нумар для даведак +375 29 8425789 (Настасся)

alena_rosicaмайстар-кляса па беларускіх народных таньчыках ад знакамітага этнахарэографа Мікалая Аляксеевіча Козенкі

9.00 28 красавіка 2012 года

Адрас: Мінск, вул. Рабкораўская, 17, Беларускі дзяржаўны ўніверсітэт культуры і мастацтваў (1 корпус), тэатральная зала

майстар-кляса праводзіцца ў межах VІ Міжнароднай навуковай канферэнцыі «Аўтэнтычны фальклор: праблемы захавання, вывучэння, успрымання».

alaiza_annikaсябры, ёсьць ідэя зрабіць у Менску майстар-клас (напэўна, будзе некалькі заняткаў) па пульсэтках праз пару тыдняў, у сб. каб зрабіць такое, патрэбны пруткі, ніткі ваўняныя, бісер. жадаючыя патрапіць на МК, пішыце сюды або ў кантахце http://vk.com/ethno_by#/wall-7236867_755. больш падрабязная інфармацыя будзе трошку пазьней

miesia4ykшаноўныя этнографы, а падкажыце хто якімі гукапісцамі ў полі карыстаецца. Цікавіць лічбавы дыктафон. Можа, хто параіць ці паругае сваю мадэль. Патрабаваньні стандартныя : каб і размовы, і песьні пісаў, здалёку біў, доўга на акамулятары жыў, не ўвесь гук вакол пісаў

nastaukaКрасавіцкі занятак (7 красавіка,субота) адбудзецца ў 518 аудыторыі (корпус Б) Палаца дзяцей і моладзі.

pryshyvalkaПанове!
Магчыма хто з вас дапаможа мне знайсці адказ на такое пытанне: падчас якіх святаў выкарысоўваўся хлеб? Буду вельмі ўдзячны за апісанне абраду альбо проста за спасылку на крыніцу.
Тое, што пакуль атрымалася знайсці самастойна:
1. На Юр’ю хлебам з соллю тройчы абносілі статак, каб засцерагчыся ад ваўкоў.
2.  Хлеб з соллю, асвечаны на Агату (18 лютага н. ст.), захоўвалі ў хаце на засцярогу ад пажару. 
Усім вялікі дзякуй!

nastaukaНаступны занятак 31 сакавіка адбудзецца ў 518 аудыторыі (корпус Б) Палаца дзяцей і моладзі.

alaiza_annika29 сакавіка запрашаем на творчую сустрэчу з Узорным дзіцячым фальклорным калектывам "Берагіня" (калектыў дзейнічае пры Мётчанскай сярэдняй школе Барысаўскага раёна, мастацкі кіраўнік Мікола Козенка).

Сустрэча адбудзецца ў Нацыянальным цэнтры мастацкай творчасці дзяцей і моладзі (вул. Кірава, 16), пачатак а 14-й гадзіне.

У праграме:
- прэзентацыя дзейнасці гурта
- выстава экспедыцыйных матэрыялаў
- канцэрт гурта "Берагіня"

Запрашаем усіх зацікаўленых!

alaiza_annika
Студэнцкае Этнаграфічнае Таварыства (СЭТ) разам з Дзяржаўным літаратурным музеем імя Я. Купалы запрашаюць на Гуканьне вясны ў Вязынку.

У праграме: традыцыйныя сьпевы, веснавыя карагоды вакол вогнішча, народныя гульні і танцы пад дуду (і ня толькі ;), кірмаш рамесьнікаў і іншыя цудоўныя рэчы)

З сабой акрамя музычных інструментаў, строяў, добрых настрояў, дзяцей і сяброў можна браць бліны, тэрмасы з гарбата-кавай, птушак з цеста, стужкі каляровыя на дрэвы і цёплыя рэчы ;)

Кошт уваходу — уваходны квіток у музей (дзеці -1500, студэнты - 2000, дарослыя - 3000)

Час сьвяткаваньня — з 12:30 да 17:30

Праезд: прыгарадным цягніком Мінск пасажырскі — Маладэчна да станцыі Вязынка. Час адпраўленьня - 11:22, прыбыццё ў 12:19 (іншыя рэйсы ў 12:40, 13:37, 14:22…) Кошт квітка ў адзін бок — 2100.

Падрабязьней глядзіце тут:
http://vk.com/viasna2012
http://www.facebook.com/events/330250603688757/

kate_labetskaya

17 сакавіка ў Мінску пройдзе серыя майстар-класаў па традыцыйных беларускіх танцах Сяргея Выскваркі. Вядомы этнахарэограф, кіраўнік Любанскага ўзорнага фальклорнага ансамбля «Верабейкі», чалавек, апантаны традыцыяй, сп. Сяргей прыедзе, каб навучыць мінчукоў і гасцей сталіцы беларускаму трохкроку, танцам Любаншчыны, распавесці пра старадаўнія этыкет і манеру выканання танцаў.

Запланаваныя майстар-класы:
14.00-16.00 – Занятак для пачаткоўцаў на базе клубу «Энцыклапедыя густу». У праграме: лявоніха, падыспан, месяц, кракавяк, карапет. Магазін «Прэзентацыя»: пр. Пераможцаў, 51/1. Праезд 1, 69, 73, 91 аўтобусамі да прып. «Гвардзейская». Уваход вольны.

18.00-19.00 – Занятак па тэхніцы і манеры танцаў пры падтрымцы танцавальнай школы «Вераб’іны клуб». Палац дзяцей і моладзі: Старавіленскі тракт, 41. Уваход 10 тыс. рублёў.

19.00-21.00 – Танцавальная вечарына «Субота» (там жа). У праграме: абэрак, кадрыля «Зеркала», субота і інш. Уваход 10 тыс рублёў.

Кантакты: 80447274514 – Кацярына, 80298425789 – Настасся, 80333413613 – Жэня

necrotugava

артыкул пра вандроўку беларускіх дудароў у Славакію на фэст традыцыйнай дударскай музыкі. ЛіМ, 9 сакавіка 2012

dozhdzhykДзіцячы фальклёрны гурт "Ільлінская пятніца" з Латвіі, якія выконваюць традыцыйныя песьні беларускага Памежжа, просіць аб дапамозе. Дзеці мараць патрапіць на фэстываль у Берасьці "Рух зямлі", але, ня маючы падтрымкі з боку дзяржавы, вымушаныя ўдзельнічаць у Інтэрнэт-спаборах. Падрабязьней на старонцы кіраўніка Сяргея Алёнкіна

Прагаласуйце, калі ласка, за праект тут. Дастаткова абраць краіну, пазначыць нумар тэлефона, а затым набраць код з дасланай вам смс. Галасаваньне бясплатнае.

nastaukaНаступны занятак 11 сакавіка адбудзецца ў 518 аудыторыі (корпус Б) Палаца дзяцей і моладзі.
Сустракаем усіх жадаючых у 17.50 ля фантана блізу галоўнага ўваходу.
Для тых, хто згубіцца: + 375 33 341 36 12 (Жэня)

Папярэдні запіс на занятак па нумары +375 29 8425789 (Настасся)
ЗЫ: хатняе заданне праверу;)
Запрашайце сяброў!

Больш інфы тут: http://by-ethno.livejournal.com/296184.html

alaiza_annikaсябры, рыхтуйцеся ;)

24 сакавіка недзе а 12ай ў Вязынцы будзе Гуканне вясны, інфа і афішкі троху пазьней
- запрашаем на міні-кірмашык рамеснікаў, якія займаюцца народнымі рамёствамі, жадаючыя пакуль што пішыце сюды
- усе астатнія - рыхтуйце птушак і стужкі на дрэвы, а таксама добры настрой, рукавічкі, тэрмасы, блінкі і строі ;))))))))))))))

25 сакавіка будзе сход сяброў СЭТа. Усім, хто прыняты ў сябры - трэба быць. 25га (раз на год) мы таксама ПРЫМАЕМ НОВЫХ СЯБРОЎ!!!

http://vk.com/groups#/ethno_by

kufarrrМожа каму-небудзь будзе цікава прачытаць пра некаторыя факты пра ганчарства і кераміку на Беларусі, а таксама штосьці удакладніць ці задаць пытанні -то зазірніце сюды. 
Дзякуй за ўвагу!

nastaukaЗанятак 3 сакавіка адбудзецца ў 518 аудыторыі (корпус Б) Палаца дзяцей і моладзі.
Сустракаем усіх жадаючых у 17.50 ля фантана блізу галоўнага ўваходу.
Для тых, хто згубіцца: + 375 33 341 36 12 (Жэня)

Папярэдні запіс на занятак па нумары +375 29 8425789 (Настасся)

Больш інфы тут: http://by-ethno.livejournal.com/296184.html

nastaukaЧакаем усіх: хто ўмее танцаваць, хто крыху умее танцаваць і хто зусім не ўмее танцаваць... Узрост значэння не мае (калі Вы ўжо навучыліся хадзіць)!

Распачынаючы школы арганізатары маюць на мэце:
1) істотна палепшыць узровень валодання народнай танцавальнай манерай ва ўсіх,каму гэта цікава і патрэбна;
2) узнавіць  матэрыял засвоены падчас летняй танцавальнай школы "Пятровіца" і падрыхтавацца да наступнага яе сезона;

І (!) у старанных вучняў прадбачыцца ўздым жыццёвага аптымізму, што непазбежна вядзе да роста крылаў!

Для паспяваховага навучання Вам спатрэбіцца добры настрой, зручныя абутак і адзенне.

Заняткі будуць праводзіцца па суботах-нядзелях.Штомесяц 1 занятак вядзе сп. Выскварка, 2 заняткі на месяц вядзе Настасся.

Танцавальныя вечарыны ды заняткі танцавальны клуб ладзіць сумесна з суполкай "Камяніца", за гэта ім рэспект-чырык)

Працягласць 1 занятку  -1 гадзіна.
Уваход вольны, па папярэднім запісе.
 Сачыце за абвесткамі пра час заняткаў  на сцяне суполкі ў кантакце http://vk.com/club34196578 .

Месца сустрэч: Палаца дзяцей і моладзі, Старавіленскі тракт, 41. Даезд ад пл. Перамогі на 3, 4, ад ст.м. Пл. Коласа - на 5 трамваях.

Дадатковая інфа па нумары 8425789 мтс, Настасся

ЗЫ: Для тых, хто яшчэ не чуў пра сп.Сяргея Выскварку: Ён - спецыяліст па традыцыйным танцавальным этыкеце і манеры выканання танцаў, якіх ён ведае больш за 90танцаў і не толькі Любанскіх. Ён з'яўляецца мастацкім кіраўніком узорнага фальклёрнага калектыву "Верабейкі" (г. Любань). З гэтага калектыва ў растуць ногі, дакладней крылы, танцавальнай школы "Вераб'іны клуб".
  Заняткі па тэхніцы народнага танца ў адсутнасць галоўнага вераб'я вядзе яго вучаніца Настасся, верабей-танцорка са стажам амаль 20 год.
Пад іх кіраўніцтвам у 2011 адбылася танцавальная школа "Пятровіца" і рэгіянальны  фестываль народнай культуры "Пятроўскі фэст".  http://vkontakte.ru/event26616881

Інфармацыя пра адзін з папярэдніх майстар-класаў: http://vkontakte.ru/event24211249

imzzaДарагія госьці! У гэтую суботу, 11-га лютага, у межах ХІХ-й Міжнароднай кніжнай выставы-кірмаша будзе прэзэнтаваная 2-я кніга V тома ўнікальнага выданьня "Традыцыйная мастацкая культура беларусаў", прысьвечаная фальклору Цэнтральнай Беларусі.

Укладальнік, сп.Мікола Козенка, будзе рады бачыць усіх на прэзентацыі ў 12.45 у Нацыянальным выставачным цэнтры Белэкспа (вул. Янкі Купалы).

alena_balykaПачула сёння, што ў адной з вёсак нашага раёну насілі прошчу. Бабулі казалі: "Ну, хадзілі па хатах як на Шчадроўкі, прошчу насілі". Але самі ніхто не памятае, што гэта такое. Можа хто сказаць, што гэта такое - насіць прошчу і калі яе маглі насіць? Каб я ведала, ад чаго адштурхоўвацца перад тым, як паспрабаваць капнуць глыбей.

fotoparad
Арнамент з узорам Моцная сям'я

Тысячагоддзі жыў, працаваў на нашай зямлі селянін-хлебароб. Ён карміў, паіў, адзяваў сябе, сваю сям’ю, дапамагаў суседзям. Ён стварыў дасканалую сістыму гаспадарання аптымальна прыстасаваную для земляробства і жывёлагадоўлі. Пабудаваў вёскі і мястэчкі для жыцця, працы і адпачынку. Узвёў дзівосныя храмы, аздобіў іх мастацкімі творамі.

Селянін стварыў прыгожы, мудры, паэтычны фальклор, песні, музыку, святы, абрады, прымаўкі, казкі. І ў іх апяваецца прырода, праца, каханне, яны гранічна спалучаюцца з жыццём, звычаямі і характарам чалавека.

Селянін шанаваў сям’ю як аснову стваральнай працы, падмурак нацыі. Ён выпрацаваў рацыянальныя адносіны паміж мужам і жонкай, бацькамі і дзецьмі. З самага маленства дзеці вучыліся шанаваць працу, бацькоў, старэйшых. З жыццём і працай гарманічна спалучалася сістэма святаў, прымеркаваных да пэўнага працоўнага працэсу ці пары года: Вялікдзень, Купалле, Дажынкі, Дзяды, Каляды. Абрады і святы ўзвялічвалі селяніна, упрыгожвалі яго жыццё і побыт.

Вырабляючы патрэбныя для паўсядзённага ўжытку рэчы, селянін надаваў ім і пэўныя мастацкія якасьці, нярэдка ператвараючы ў сапраўдныя творы мастацтва. Ён аздобіў тканыя, вышывальныя і іншыя вырабы арнаментальнымі узорамі, у якіх услаўляецца дабро, справядлівасць, прыгажосць, міласэрнасць.

Селянін любіў сваю радзіму. Калі было трэба, ён браў у рукі зброю і ішоў бараніць яе ад няпрошаных прышэльцаў.

Сялянскае асяроддзе – трывалы падмурак для ўсяго грамадства. У нетрах вёскі нараджаліся і фарміраваліся грамадскія класы: рамеснікі і воіны, рабочыя і інтэлігенцыя. З сялянства выйшлі многія дзеячы навукі, культуры, мастацтва.

Ды вось настала ХІХ стагоддзе. У краінах Заходняй Еўропы ўзнік марксізм – вучэнне пра дыктатуру пралетарыяту і бязлітасную класавую барацьбу. Марксізм прыжыўся у Расіі, нарадзіўшы бальшавізм, а ў выніку – Кастрычніцкую рэвалюцыю і чырвоны тэрор. Заняпалі эканоміка, культура, змяніліся маральныя каштоўнасці. У выніку не стала селяніна-працаўніка, не стала вёскі, забылася прыгожая паэтычная сістэма поглядаў на прыроду, працу, жыццё, чалавека.

Кацар М.С. Беларускі арнамент. Ткацтва. Вышыўка. 1996г.

kilometra

Я намагаюся навучыць разумець, паказаць заканамернасць, паводле якой мы разумеем.
Я даю не рыбку, і нават не вуду – я хачу даць здольнасць чытаць, каб яна была глыбейшая.
Падштурхнуць да пошуку свайго ўспрымання.

Ігар Марозаў, з інтэрв’ю tut.by

Сёння, калі мы ўсё больш пераконваемся, што «голыя» веды яшчэ не гарантуюць разумення нават самых, здавалася б, відавочных з'яў, становіцца актуальнай сама праблема разумення. Так, вывучаючы нейкі асобны аб'ект або з'яву, мы непазбежна ўсведамляем, што іх якасці і значнасць раскрываюцца выключна ў шырокім гістарычным і прадметным, а, галоўнае, у духоўна-вобразным, дадзеным праз пачуцці кантэксце. Верагодна, гэтым тлумачыцца папулярнасць такога напрамку ў спазнанні свету, як герменэўтыка. Праз зварот да тэкстаў, паслядоўна і змястоўна звязаных паняццяў, сэнсаў самай рознай прыроды і сутнасці герменэўтыка адкрывае даследчыку прастор для разнастайных інтэрпрэтацый.


( Чытаць болей... )

zmicierbielapol1) в. Шапярэва:http://chausy.info/krynicy_3/


2) в. Загоранка: http://chausy.info/krynicy_4/
3) в. Высокае: http://chausy.info/krynicy_5/
4) в. Кузьмінічы: http://chausy.info/krynicy_7/
5) в. Каменка: http://chausy.info/krynicy_9/


6) в. Петухоўка: http://chausy.info/krynicy_6/

skepsysOriginally posted by skepsys at Дударскі клуб 08.02.2012 - вечарына-прэзэнтацыя альманаху DUDAR
( Пра альманах… )